من قبل مـا اكتب أنـا عارف القول ضايـع
و الأجـر بالتأكـيد ذاهـب حسـب الشايـع
والشـتم حايجينى مسوجـر من واد صايـع
مهـما انكـويت بالنار والزيت برضك فنـان
****
يا مصرى وانت اللى هاممنى من دون الكـل
هزيـل ويحسـبك الجاهـل عـيّان بالسـل
من دى الكيـوف اللى تصبـّر على كتر الذل
ونمـت والعـالم فايـق قـوم بـص وطـلّ
وشوف الشعوب واتغص ودوب وارجع انسان
****
واللى اّلمــنى وبكّـانى انت ياشــــامى
ع الأكل نازل طول عمرك بارد حـــــامى
وقلـت لـى لمّا نهيتــك مصـرى حـرامى
لحـد مـا الجـزّار خــلاّ جرحـك دامــى
والله الخروف سايب معلوف مايفوته جعــان
****
والمغـربى المسلم راخر أبو زر فاشــــوك
لما انتقدته فزع قـال لى يلعن .... بــــوك
و نـا اللى قصدى أشـوف قيده يصبح مفكـوك
لقيته فرحـان بـه راضــــى طيّب مبـروك
خليك فقيـر دق البنديــر وكـل التغبــــان
****
روح للعراق راخر قول له كيف الأحـــــوال
لامتى تفضـل يا أخيينــا بحـرام وعقـــال
ما تعرف الجاز يستعمـل غير للمشعـــــال
الطــم بقى وقول ويّايــه الجاز أمــــوال
واوعى المـداس يفلت تحتاس وتقـول لى أمان
****
يا شرق فيك جــو منّـــور والفكر ضــلام
وفيـك حراره ياخسـاره وبرود أجســـــام
فيـــك سبعميت مليون زلمه لكن أغنــــام
لا بالمسيح عرفوا مقامهم ولا بالاســــــلام
هى الشمــوس بتخللى الروس كـداهو بدنجـان
****
